مشاركتي الاولى ...اتمنى تعجب الجميع ....

تاريخ التسجيل : 05/01/2010 عدد المساهمات : 4

اول قصيده أضعها بين ايديكم تعبر عن شخصيتي بشكل كبير ...

آلصمت له عندي معزّه ومقدار ..
في زحمة الافواه .. يا مزين الصمت !!

لا صار بعض البوح عند البشر عار ..
لو يشتعل جوفي حشى ما تكلّمت ـــ

تعبت من قولة : (علامك) و (وش صار )
وان طحت ما ألقى سوى كلمة (سلمت)

واعذار اخلقها ولو مالي اعذار
مشّيتها مره .. ومرات ما رمت !!

كذبة صباح الخير/ يا صبح الانوار
عذري ليا عدّت ليالي ولا نمت

اسهر طوال الليل وضْيوفي افكار
واقول لاْصحابي : نعم توّني قمت !!

ما عاد فيني ألفت عْيون واْنظار
يكفي بأني من زماني تعلّمت ــــ

ان الصدر بيت/ن .. وسكّانه اسرار
نيّام .. بس يصحون لامن تألّمت

يصحون ويناظرهم الجار والمار
وش عاد ينفع سترهم لو تكتّمت ؟!!

آقدّم اقدامي على درب الاصرار
امشي ولكن للأسف ما تقدّمت

(النار قدامي .. ومن خلفي النار !!)
والعمر يمضي بي وانا ما تولّمت

يا لين ذاك الحلم في لحظه انهار
وانا مع لحظة سقوطه تحطّمت

اجروحي اكثار..وتناهيدي اكثار
لكن على كثر المواجع .. تبسّمت !!

ثم أْلتزمت الصمت وعزومي اكبار
ولو يشتعل جوفي حشى ما تكلّمت...

اجروحي اكثار..وتناهيدي اكثار
لكن على كثر المواجع .. تبسّمت !!

من لم تحركه هذه الكلمات فلا قلب له

دمتي بحفظ الرحمن

نسيتــ نفسيـ وما نسيتكـ

صح لسااانك
هنيئا لذلك النبض الراااااقي

احـــتــرامــى:نجوم حائره

صح لسانك من جد مررره روعة..

» مع الخيوط الفجر الاولى
» فتاه أحبها الجميع و لكن من تزوجت
» الله يرحم الجميع يآآربي .....
» ادعيـــه للاختبارات والله يوفق الجميع ...
» اهداااااء للعزيزه على قلوب الجميع غزوله