السلام عليكم (طفح الكيل)

ضاق الصدر وإلا الصدر ما بعد ضاق
لا ضاق عان الدمـع بـلّ المناديـل

لو ضاق يبقى الحزن ثابت بالاعماق
يرسل على جروح المحبه مراسيـل

ما عاد باقي من بعد شمس الأشراق
غير النجوم اللي تزيّـن لنـا الليـل

يا صاحبي لو كنت للوصـل سبـاق
حطيت لك جرح من العام ما شيـل

كابرت في وصلك وانا كلي اشـواق
وخليتني ضايع مع الحـزن والويـل

كنت احسبك طيب ولك قلب ارقـاق
لكني فـي حبـك عرفـت الغرابيـل

سيل القلم يزرع قصايد علـى أوراق
فيها من فراق الحبايـب محاصيـل

هذا اللي باقي من بعد ليلـة فـراق
قصيـدة عنوانهـا (طافـح الكيـل)

احفظ تفاصيل القصيـده لا تشتـاق
خلك ما بين الحفـظ وإلا التفاصيـل

لا شفت وضع البعد قاسي ولا يطاق
غنّ القصيده فالسنيـن المقابيـل !

يسلموا على النقل الرائع

قطوف الخالدي كتب:

يسلموا على النقل الرائع

يسلمج ربي ومشكوره على المرور

احلى فرفوشه كتب:

صح لسانك تدلل روعه

صح بدنج ومشكوره على المرور