اضع بين اياديكم هذي القصيده واتمنى ان تحوز على رضاكم واعجابكم

(( نصيحه ))
بسـم الله الرحـمـن قـبـل العـبـارا
الواحـد المعبـود عـالـم بـالاسـرار

الواحـد اللـي منفـرد فــي قــرار
سبحان من بامـره علـى كـل الاقطـار

يالله ياقـابـل صـحـيـح اعـتــذارا
يالله ياقـابـل دعــا كــل صـبـار

ياعازل ( ن ) ليل الدجـى مـن نهـارا
ياعالم ( ن ) بسـرار كونـه والاقـدار

يالله وانـا راجيـك قـبـل انحـشـارا
في موقف ( ن ) كل المخاليـق تحتـار

ناس( ن ) خذت في طاعـة الله تجـارا
وناس ( ن ) تطيع ابليس في كل الافكار

يالعبـد لـك فـي منـزل الـقـاع دارا
عسـاك تبنيهـا بطـاعـه والاذكــار

ياحفرت ( ن ) من نـار فيهـا انهيـارا
ياروضت ( ن ) من جنت (ن) كلها ازهار

القبـر محـد( ن ) لـه خـذا بختيـارا
الا الـذي يصـبـر وللخـيـر شـكـار

الفـرق واضـح بيـن ربـح وخسـارا
هنـي منهـو حـط فـي قلبـه انـذار

لـو تاتـي الرحمـن مـثـل الغـبـارا
بذنوب .... لا تشرك بهي شـي مابـار

يغفـر لـك اذنوبـك ولـو هـي كثـارا
الله غفـور ورحمتـه فـوق الابـحـار

هنـي مـنـو حــط ديـنـه وقــارا
وتعيـس منهـو بـدل الحلـو بمـرار

النـار سبتهـا تــرا مــن شــرارا
ماينفعـك فـي ذلـك اليـوم الاعــذار

بنصحك فـي نفسـك ونفسـك حـذارا
نصيحت ( ن) من قبل قصـاف الاعمـار

ازبن على الـي بأمـره الكـون سـارا
رب ( ن) كريم ( ن) للمخاليـق غفـار

اللـي خلـق للخلـق جـنـه ونــارا
واللي بسـط رزقـه علـى كـل مـرار

يالعـاقـل الـلـي تفتـهـم بفتـكـارا
لك مدخل (ن) مالك بها اليـوم مظهـار

انصحـك بالجيـره ولـو فـي مـزارا
اكبـر اجـر لا صــرت للـجـار زوار

حـاول وحـاول قــدر الامـكـان دارا
لا تهملـه وجعـل لـه ايـام تـكـرار

يقـول تركـي فـي حقـوق الـجـوارا
( ترا النبي وصى على الجار لو جـار )

الجـار لـه حـق ( ن) وحقـه زيـارا
عند الـذي ينعـد مـن نسـل الاحـرار

اللـي غلـط جـارك عليـك استخـارا
ادمح له الزله ولـو صـار مـا صـار

خلـك رزيـن ( ن ) يارفيـع المـنـارا
حيثك علـى المعـروف يالعبـد بيطـار

انـت علـى جيـران بيـتـك ذخــارا
لو كل مـن حولـك مـن القـوم كفـار

حاولـت فيهـا مـن يميـن ويـسـارا
عسـاك تقبلهـا بحـب ( ن) وتعـبـار

اخيـر مـن كثـر الكـلام اختـصـارا
نظمتهـا للـي لهـا اعقـول وانظـار

صـلاة ربـي عــد رمــل الـزبـارا
على النبـي المصطفـى سيـد الابـرار
وسلامتكم

صح لسانك
القبـر محـد( ن ) لـه خـذا بختيـارا
الا الـذي يصـبـر وللخـيـر شـكـار
يسلمو تدلل

صح لسانك ولسان شاعرها

يعطيك الف عافيه

تدلل دمت

بحفظ الرحمن

احلى فرفوشه كتب:: صح لسانك
القبـر محـد( ن ) لـه خـذا بختيـارا
الا الـذي يصـبـر وللخـيـر شـكـار
يسلمو تدلل

صح بدنج ومشكوره على المرور

نسيتــ نفسيـ وما نسيتكـ كتب:: صح لسانك ولسان شاعرها

يعطيك الف عافيه

تدلل دمت

بحفظ الرحمن

صح بدنك ولله يعافيك
ا

» هذه اول مشاركه لي وانشالله تحوز على رضاكم
» صور دماء انشالله تحوز على رضاكم
» السلام عليكم وبعد هذا القصيده من القصائد الجديده امل ان تحوز على اعجابكم وشكراا..
» حوار واتمنى ان تتفاعلو
» قصيدة جرح الحبيب أبيات عجبتني ممكن تعطوني رأيكم فيها ولأني عشت القصيده بكل معانيها