السلام عليكم وبعد هذا القصيده من القصائد الجديده امل ان تحوز على اعجابكم وشكراا..

يا صاحب الجرح جرحي ماسك اوصاتك ......وكل الوصايا تخـون اللـي موثقهـا
ما عاد باقي بخيالـي غيـر بسماتـك.......واحداث عمري معك عجزت لا الحقهـا
والشرهه اللي تداري فعلك .. سواتـك.......كف الامل في رجا الحرمـان يسرقهـا
ما دام طبع الهجر مـا بيـن طياتـك...........ليـه المحبـه علـى كفـك تعلقـهـا
انـا موافـق غـلاك وكـل هقواتـك.........لكنـك انـت المحبـه مـا توافقـهـا
كل المعاني تفوتـك .. والغـلا فاتـك.......والوصل له غيمـة مـا لاح بارقهـا
لو كنت صادق معي .. ما شفت سياتك......تطغى على كـل حسناتـك وتحرقهـا
الهجر ضمـك وحقـق كـل رغباتـك........والبعد حطم مشاعـر كنـت عاشقهـا
درب الهجر دلتـه رجلـك وخطواتـك......راحت معه والهجـر جاهـا وتطرقهـا
واللي جمعته من دموعـك وضحكاتـك.....شفت الزمن فالهجـر فرقـك وفرقهـا
ماعاد باقـي لقلبـي غيـر غلطاتـك......اللي عسـى الله بعـدك مـا يوفقهـا
والكلمـه اللـي تقـرب ذاتـي لذاتـك.......ما عاد يقـدر لسـان الحـال ينطقهـا
العـام كـان الغـلا همـه مراعاتـك.........واليـوم دار الهجـر رزت بيارقـهـا
يا صاحبي كل شـي ٍ مـات وحياتـك......حتى الأماني تمـوت ومـا نحققهـا !
وسلامتكم