لا يهمّك اللي حكا بي ساعة غيابـي
عامين ينطر غيابي وجاته الفرصـه
مادام قلبك نزف جرحه من أسبابـي
قلبك حبيبي وانا من واجبي حرصه !
تاخذني الاشواق ويلزمني الصمت
واسكت وافكر لو يطول سكوتـي
راحت وانا في حبها مـا تندمـت
ياللي تنشّد شوفها فـي بيوتـي !
الحب واضح فيني لو ما تكلمـت
وان طالت الغيبه ، أخذني لـموتي
يامرحبـا بالحـزن لا ماتـت الفرحـه
الله يحييـك وينـك .. طـول غيابـك
غاب يالفرح ، يالحزن تعال اخذ صرحه
واستوطنـه لا تسكـر للمحـب بابـك
انا المحب اللي فالغيبه نـزف جرحـه
أستقبله يالحزن خلـه مـن أحبابـك !
الله يعافيك لا من ماتـت احلامـك
وما جاك شخص معك يقدر يحققها
انا اول اللي ركب سفينـة أيامـك
لكن حسافه السفينه ، ليه تغرقهـا
والدمعه اللي تطيح اليـوم قدامـك
الله يوفـق غـلاك ولا يوفقـهـا
صحيح بعدك من عنا الحب تايب
وصحيح قلبي للقاء مـا تحـرّا
من غيبتك ماجيت أدور سبايب
لأن الغلا اللي كان .. منك تبرّا
باقي سؤال اردده وانت غايـب
على الهجر وشلون قلبك تجرّا ؟
غمـزه
غيابك اللي حصل .. لا يسرق ايامـي
مادام دلـة وصالـك ، للقـاء فاحـت
طبيعي لو أحترق .. من شوقي مادامي
كل ما كتبتك ، احاسيس الوصل صاحت
لحظة غيابك بكيت .. وطاحت احلامي
كانت تساوي دموعي ، وللأسف طاحت
العيون .. ودمعهـا بينـي وبينـه
قالت ان بغيبتـه ، مابـه حسافـه
بلغه في غيبته .. ماهـي حزينـه
وما تخاف الهجر ، والله ما تخافه !
اذوب مع لهجة لسانك وكلماته
والحين ماعاد تاتي منك رساله
القلب غارق وقربك قارب نجاته
لا تتركينه غريق وبيدك وصاله
الخاطر هذا امتـداد لخاطر السابـق
اللي فتحته عشانك وانـت بغيابـك
الشوق لأجلك بنى في صدري الطابق
لكن حسافه انهدم ، والشعر ما جابك
الشعر ويـاك مـا حقـق طموحاتـي
وانت الطموح اللي اطمح له ولا اطيقه
الشعر مصدر خيال فـي حضاراتـي
أستكشفه لا اسكنت فضلوعي الضيقه
لو كان فعـلا كتبتـه مـن معاناتـي
ما كان شفت التناقض في طواريقـه
دموعي اللي سقطت من محجر عيوني
تحتاج لعيونـي ، لا يمكـن تخليهـا
دموعي قبل النزول تجـرّح جفونـي
وفي كـل دمعـه يبيّـن حبنـا فيهـا
ان كان قلبك قوي ويعيش من دونـي
خليني وانتي ليـال العمـر عيشيهـا
مدري وش اللي صابني يوم شفتـك
فوق الحلا شكلـك مدلـع وحسـاس
انا تركـت النـاس يومـي عرفتـك
لأن الوصل وياك ، يغنيّ عن الناس !
بتغيب ..غيب وهذا آخر جنونـك
لكـن امانـه لا تحـذف الرسايـل
يمكن تذكـرك بغـلاي وشجونـك
وتطلب وصالي في جميع الوسايل !
طيفك يناديني وانا انادي الضيق
ياللي بعد فرقاك ضاعت سنينـي
سكرة فراقك مالهـا أي تعليـق
غير انها تمسح دموعي بيديني
تكفى طلبتك خلني انساك وافيق
تعبت والذكرى ، تروح وتجيني
انا ادري ان الحب حظ وتوافيق
وحظي كتب فرقاك في دمع عيني
خايف على قلبي معك مـن ضياعـه
لا فاتت الفرقا ، وش يسوي الصوت ؟
الخوف من فرقـاك ، هـو الشجاعـه
وانتي فراقك مرتبط عنـدي بالمـوت
يا محمـد عبـده ، كفايـه لا تغنينّـي
صوتك يغني ، عن بدايـة مشاويـري
( لك حق تزعل ) ، تحط إحساسها فيني
لا اقمت احس في خطا نفسي وتقصيري
لك حق تزعل يا حبيبي وتقسى
وانا بعد لي حق أراضي عيونك
تقول بنسى بس وشلون تنسى
وانا خيالي جالس مع جفونـك
لا ذابت عروق المشاعر بفرقـاك
محد يعوضني بـعروق المشاعر
مليت أردد لك ابي شوف لامـاك
ياللي علشانك ، انا صرت شاعر !
ياللي معك حاضر .. لتحقيق الاحلام
عن ديرة العشاق ، مدري علامـك
محبتك حطها على صدري .. وسام
ومحبتي حطها ، محط إهتمامـك !
انتي حبيبة طلال وكـل جمهـوره
وانتي اخذتي المشاعر والغلا جا لك
قلبي معك ما نفع طبـه ودكتـوره
طبيب قلبي ترى شوفتك و وصالك
الشعر لأجلك سبحت فـغبة بحوره
وسويت من درته عقدك وسلسالك
الله يخليك طول العمـر مسـروره
مادامي من الغـلا غنيـت موالـك
الكلام اللي اقوله بس عشـان
ما يموت الشوق في قلب ٍ كبير
صاحبي لو فيك ذره من حنان
كان عن درب المفارق تستخير
العذر يرفع منزلك في عيونـي
وقلبك من اخطاءه ينقّص غلاته
بمفارقك زادت عليّـه ظنونـي
و وقعّت للفرقا شهادة وفاته !
لا تغطي الحب من خلف الستار
كل شخص في محبتنا عـرف
لو تسوي يابعد عمري اختبار
ناجح بحبك ، بمرتبة الشـرف
اعترف لك كنت انا قبلك ضرير
يا علامات الانوثـه والجمـال
ايه حلوه والحلا شـي ٍ كثيـر
ما نقصتي .. ميـر لله الكمـال
من بعد ماعشنا فالحب الكبيـر
للمفارق قولي ياعمري .. محال
الغياب اللي معاه اسبـاب اعرفـه
بس ما اعرف غيبة . ما جا سببها
صاحبي واحساسي اللي ما تغرفـه
لو غرفته .غيبتـك تعـرف تعبهـا
شوف لي من مشكلة غيبتك صرفه
دام حبـك كذبـة قلبـي كذبـهـا
الوصوف النـادره ولا الجميلـه
ما تخيب هقوته راع الهقـاوي
انتي اسمى شي للحاجه النبيلـه
والعيون احلى من عيون النداوي
أعذريني والقصايد بـك قليلـه
وانتي قلبك صاير لقلبي مـداوي
لو لمع برق العذارى ما نخيلـه
والحلا مستسلم لك يـا ..... !
توكل مشاعر شاعـرك خلهـا ويـاك
بعد ما سمعت العذر .. ما تلحقك شرهه
ياللي المشاعر كلها بين اياديك
خايف على مستقبلك واجتهاده
لازم تذاكر يابعد روح مغليـك
عشان نفرح لا خذيت الشهاده
ريا ملهمه ما تجي الابيات من دونـك
وشلون تاتي مادامك مصدر إلهامـي
من دون شوفه كتبت بنظرة عيونك
وشلون لا صرتي يا ملهمتي قدامي !
حوادث المرور
الحرمه والشايب وثالثهم الوافـد
اللي بيمشي وراهم والله ليتعب !
صدقتك البارحه واليوم صدقني
والعذر ما همني خيره ولا شره
ظنونك السود قالت لك تفارقني
والنيه الصافيه ماتت من الحره
ان كنت ناوي على بعدك تعلقني
ما كل مره حبيبي تسلم الجـره
تحياتي لكم
موضوع: خواطر 3 
الثلاثاء يونيو 15, 2010 4:50 am
