((ملهمة خواطر ))

بعد التعب والشقـا جاوبـت مرسالـي
وانت اتصالك ثلاث شهـور منتظـره

اكيد ابفـرح ويفـرح فيـك جوالـي
وانت اللي غاب وترك لي بغيبته عطره

ودي اوصف شعـوري يابعـد حالـي
واعلمك عن خفوق منتهـي صبـره

فرحة وصولك مثل يالصاحـب الغالـي
البيت واقف ولا هو مكتمل شطـره !!

لأني نسيت الكلام اللـي علـى بالـي
فرحة وصولك تنسي شاعـرك شعـره

......................خاطر.................................................



اكتبي فيني مـن الفرقـا قصيـده
كان يرضي خاطرك بدع القصايد !

واذكرينـي فالقديمـه والجديـده
لو بعد فرقاي . مالك مـن فوايـد

وين ابرحل من ليالينـا العنيـده
يا بعد جرح مـن الخـلان كايـد

ليه ادور فالعمـر فرحـه مديـده
والحزن مستوطن القلب المحايـد

ما ذكرتك غير في لحظه وحيـده
وكل ما حنيت لك جـات الجدايـد

...................خاطر ........................



تعدي على نبع القصايد وانـا ويـاك
بعد ما تعلّين الشعر ، حطي خيامـك

انا كل فكره جبتهـا للشعـر تفـداك
وانا كل حلم عايشه فـدوة احلامـك

تعالي بعد طرق الغزل جابـك و وداك
تعدي على قلبي ، ترى الحب قدامك !



....................خاطر.....................




يمـر الوقـت والوقـت بسهامـه
يصـوب خاطـر ذاق النـدامـه

علامك يازمـن تقسـى ظروفـك
على القسوه معي ، عندك إقامه !!

نشدتك عن سبب واحـد مفـارق
نشدتك عن حبيبـي وش علامـه

ولا رديت يـا مقسـى طبوعـك
وناحت من بعد صبـري حمامـه

لكن صابر ومهما يصيـر صابـر
وانا اللي فالصبـر طبـق كلامـه

انـا مهمـا انتفـارق يازمـنـا
مابـي بعـد الفـراق الا سلامـه


......................خاطر ...........................


يا صدري اللي تعذب من عنا الكحـه
الله يشافيك ويعافيـك يـا صـدري

وانا بعد كحتك اقول لـك ( صحـه )
وان قلت لي وينها بأقول لك مدري !

لكن يا صوت ياللـي صابتـك بحـه
قم واذكر اللي بذكره مرتفـع قـدري

رب البشر معطي والخير ما شحـه
يا علّ يكتب واقابل ( ليلة القدري )

الشهر جانا ونـاس تلعـب الدحـه
قم واستعد للشهر يا صوت من بدري

رب البشر معطي والخير ما شحـه
يا علّ يكتب واقابل ( ليلة القدري )

الشهر جانا ونـاس تلعـب الدحـه
قم واستعد للشهر يا صوت من بدري

يعطيك العافيه تدلل وصح لسانك

قصيده رائعه و مميز ه

فلــــــــك كــــــل معاني المديح فهي قليلة في حقــــك,,, سلمـــــــــت يدااااااااااااااك,,,


تقبل المرور وشكرا

صح بدنكم وشكورين على المرور
تحياتي لكم ولا ننحرم من تواجدكم في صفحاتي
وردودكم اللي يشجعنا الابداع